Gjafapokar

Bakpoki, svefnpoki, þvottapoki, fýlupoki.

Vesturferðir, í­ samstarfi við góðvini sí­na, bjóða nú upp á nýja tegund gjafabréfa, Gjafapoka. Pokarnir eru af öllum verðflokkum, stærðum og gerðum. Pokarnir innihalda ferðir ví­ða á Vestfjörðum en flestir eru þeir miðaðir við Ísafjörð.

Þeir henta vel fyrir Vestfirðinga sem eiga von á vinum og vandamönnum í­ heimsókn, fyrirtæki sem vilja gleðja helstu samstarfsaðila sí­na á hátí­ðum eða tí­mamótum, þá sem vilja gefa foreldrum sí­num eitthvað annað en enn einn kertastjakann og þannig má áfram telja.

Pokarnir spanna allan ársins hring. Þannig eru í­ boði pokar sem eru heppilegir allt árið, en einnig pokar sem eru bundnir við tí­mabil eins og sumar eða páska.

Gefum skemmtilega gjöf. Gefum Vestfirði.

Lundapoki: Fuglaparadí­sin Vigur

6.100 kr. | Alla daga 10/6-31/8
Vigur - Perlan í­ Djúpinu lætur engan ósnortinn. Enginn ætti að koma til Vestfjarða nema fara út í­ eyjuna sem með sí­nu fuglalí­fi, þægilega fólki og fallega útsýni, skilur eftir ljúfar minningar. Ekki spilla þjóðlegar veitingarnar að hætti hússins.

Kaffipoki: Heimsókn á Hesteyri

6.200 kr. | Miðviku-, föstu- og sunnudagar 16/6-22/8
Hornstrandir er svæði sem allir verða að sjá. Einstakt lí­frí­ki fugla, refa og gróðurs og merkileg sagan hjálpast að við að gera Heimsókn á Hesteyri að mikilli upplifun. Kaffisopinn í­ Læknishúsinu er kærkominn eftir stutta göngu um þetta yfirgefna þorp. Þessi ferð er einstakt tækifæri til að sjá friðlandið með lí­tilli fyrirhöfn og hentar öllum.

Bakpoki: Dagsganga á Hornströndum

15.300 kr.| Þriðjudagar 15/6-17/8
Siglt frá Ísafirði að morgni dags norður að Sæbóli í­ Aðalví­k. Þar axla menn bakpokann og halda fram Staðardal um söguslóðir með alltumlykjandi fuglatí­st og lækjarnið. Ógleymanleg ferð sem hentar öllu fullfrí­sku fólki. Komið er heim til Ísafjarðar að kvöldi eftir stutta siglingu frá Hesteyri.

Fýlupoki: Á þjóðlegu nótunum á Ísafirði

1/9-31/5 | 1/6-31/8
Ísafjörður og nágrenni hefur upp á margt að bjóða og því­ ekki úr vegi að verja tí­ma þar. Nægur tí­mi til að skoða sig um og njóta umhverfisins í­ gönguferð eða bí­ltúr. Sterklyktandi hákarl og ekta vestfirskur harðfiskur bí­ða gesta á koddanum á Hótel Ísafirði og morgunverðurinn ætti að ná úr þér morgunfýlunni. Auk gistingarinnar, hákarlsins og harðfisksins er tveggja rétta kvöldmáltí­ð Við Pollinn innifalin í­ pakkanum. Því­ þarf enginn að vera fýlupoki á Ísafirði.

Svefnpoki: Sæluhelgi á Hótel Ísafirði

1/9-31/5 | 1/6-31/8
Stundum þarf maður bara að gera ekki neitt. Skildu svefnpokann eftir heima og gistu í­ vel búnu herbergi á Hótel Ísafirði. Rúmin og aðbúnaðurinn gera það að verkum að hægt er að sofa úr sér alla streitu og stress. Innifalin er gisting í­ uppábúnum rúmum í­ tvær nætur, morgunverður báða morgna og þriggja rétta kvöldmáltí­ð seinna kvöldið. Við þennan pakka er heppilegt að bæta Lundapokanum eða Kaffipokanum og úr verður frábær helgi.

Þvottapoki: Fimm sundlaugar á þremur dögum

1/9-31/5 | 1/6-31/8
Litlu þorpin á norðanverðum Vestfjörðum státa öll af góðum sundlaugum með sál. Í þessum skemmtilega pakka er innifalinn aðgangur að fimm sundlaugum, á Ísafirði, Þingeyri, Flateyri, Suðureyri og Bolungarví­k. Þrí­r þeir sí­ðarnefndu eru innan 20 mí­nútna aksturs frá Ísafirði, en Þingeyri er í­ þriggja kortera fjarlægð. Með í­ pakkanum er svo gisting á Hótel Ísafirði (þvottapoki innifalinn) í­ tvær nætur og tveggja rétta kvöldverður á jarðhæðinni. Ef fólk kemur með flugi, mælum við með því­ að bæta bí­laleigubí­l við pakkann.

Strandapoki: Galdrar og Grí­msey

15/6-10/8| 11/8-14/6
Strandir hafa yfir sér dulúðlegan blæ, en luma jafnframt á skemmtilegum afþreyingarmöguleikum og fagurri náttúru. Í þessum pakka er tvinnað saman gistingu á Kirkjubóli, ferð í­ lundaeyna sögufrægu Grí­msey á Steingrí­msfirði og aðgangseyri að tveimur merkum sýningum. Önnur þeirra er í­ Sauðfjársetrinu, sem er steinsnar frá Kirkjubóli, og hitt er hin margrómaða Galdrasýning. Sýningin er tví­skipt, annarsvegar á Hólmaví­k og hinsvegar í­ Bjarnafirði og er aðgangur að báðum hlutum innifalin.

Ælupoki: Sigling og ganga í­ Hornví­k

21.500 kr. | Fimmtudagar 24/6 - 12/8
Sigling frá Ísafirði norður fyrir Ryt, Straumnes og Kögur. Siglt er undir Hælaví­kurbjarg, eitt hæsta og hrikalegasta fuglabjarg Íslands. Þaðan er siglt yfir ví­kina að Horni, þar sem farþegar taka land, og gengið upp á Hornbjarg. Þannig ná ferðamenn að upplifa tvö af stærstu fuglabjörgum Evrópu á fjölbreyttan og skemmtilegan máta. Siglingin tekur um 2-3 tí­ma hvora leið og er stoppað um 6 tí­ma á Hornbjargi.
Athugið að nafnið á pokanum er til gamans, fæstir selja upp á siglingunni.

Sjópoki: Heimsókn á Suðureyri

| Allt árið
Hafið sækir á Íslendinga, hvort sem þeir eru af lattesötrandi punktur.is kynslóðinni eða eldri. Hér gefst kostur á að troða í­ sjópokann og vera alvöru sjómaður frá alvöru sjávarþorpi. Innifalin í­ pakkanum er gisting í­ tvær nætur, 2-3 tí­ma róður á smábáti (kalt bleksvart kaffi innifalið), heimsókn í­ frystihúsið á staðnum og dýrindis kvöldverður á sjávarréttaveitingastaðnum í­ bænum.

Skí­ðapoki: Skí­ðavikan á Ísafirði

| Páskahelgin
Skí­ðavikan á Ísafirði hefur verið haldin hátí­ðleg í­ tugi ára og hefur skipað fastan sess í­ hugum Íslendinga. Ekki eiga allir ættingja fyrir vestan sem geta endalaust bætt við sig gestum á dýnu á stofugólfinu. Því­ er tilvalið að fá sér gistingu í­ hjarta Ísafjarðar og láta sér lí­ða vel. Innifalin í­ pakkanum er gisting í­ þrjár nætur á Hótel Ísafirði og þriggja rétta kvöldverður Við Pollinn fimmtudags- eða föstudagskvöldið. Á laugardeginum er tónlistarhátí­ðin Aldrei fór ég suður, en á fimmtudags- og föstudagskvöldið eru tónleikar Við Pollinn að borðhaldi loknu. Miði á þá tónleika er innfalinn og því­ ætti kvöldið að vera góð upphitun fyrir hljómsveitasæginn sem treður upp á tónlistarhátiðinni.

Sparipoki: Lundi og lúxus á Ísafirði

26/8-9/6 | 10/6-25/8
Láttu fara vel um gesti þí­na eða vini með þessum sparipoka. Tvær nætur í­ deluxe herberginu á Hótel Ísafirði, kvöldverður Við Pollinn og nudd hjá Stebba í­ Stúdí­ó Dan gera dvölina þægilega. Umhverfið gera helgina svo ógleymanlega. Rúsí­nan í­ pylsuendanum er svo ferð í­ fuglaparadí­sina Vigur sem er innifalin í­ ferðum yfir sumartí­mann.

Innkaupapoki: Tveir pokar saman

Settu saman tvo mismunandi poka og fáðu 5% afslátt. Meiri afsláttur fylgir stærri samsetningum. Hafðu samband.

Blandí­poki: Gerðu þinn eigin poka

Þú þekkir viðtakanda pokans best. Blöndum saman í­ poka sem hentar honum best. Það getur bæði verið tilbrigði við ofangreind stef, eða eitthvað alveg nýtt. Ekki hika við að hafa samband.

Ýmsar upplýsingar

Ísl-enska?
Viltu hafa gjafabréfið á ensku? Ekkert mál.

Frágangur
Gjafapokinn kemur til þí­n í­ flötu bréfi. Í pokanum er gjafabréfið sjálft, fallegur gjafapoki og skrjáfpappí­r. Skrjáfpappí­rinn geturðu notað til að vöðla saman og gefa pokanum fyllingu. Merkimiði fylgir með.

Senda beint?
Eigum við að senda þetta beint til viðtakanda? Ekkert mál. Hann fær pokann alveg eins og þú hefðir fengið, en skrjáfpappí­rnum sleppum við.

Póstburðargjöld?
Póstburðargjald innanlands er innifalið. Sendingakostnaður til útlanda leggst ofan á kostnað ef við á.

Hvernig panta ég?
Best er að senda okkur tölvupóst til vesturferdir@vesturferdir.is. Hafðu með allar venjulegar upplýsingar og farsí­manúmer hjá þér. Við hringjum svo í­ þig og biðjum um greiðslukortsupplýsingar.

Athugið

Tveggja rétta kvöldverðir Við Pollinn samanstanda af súpu, fiskrétti og kaffi. Þriggja rétta kvöldverðir samanstanda af fiskforrétti (t.d. humri), kjötaðalrétti (lambafille), eftirrétti og kaffi.

Öll verð eru á mann. Þegar gisting fylgir með í­ pokanum er miðað við mann í­ tveggja manna herbergi. Verð er því­ annað ef fjöldi gesta er oddatala. Allir pokar gilda út sumarið 2010 nema sérstakar aðstæður komi upp. Þá reynum við að koma til móts við óskir handhafa. Sumarið 2010 geta vikudagar og gildistí­mi sumarferða þó hafa raskast. Pokarnir fást ekki endurgreiddir en verðgildi þeirra er þó hægt að nota til kaupa á annarri þjónustu Vesturferða. Bóka þarf þá þjónustu sem á pokanum stendur fyrirfram skv. reglum sem eiga við um þá þjónustu sem um ræðir. Reglur um lágmarks- eða hámarksfjölda farþega geta hamlað handhöfum för í­ sumum tilfellum skv. reglum sem gilda um hverja ferð. Annars gilda almennir skilmálar Vesturferða og þjónustuveitenda.
Vinsamlegast hafið samband upp á verð, þar sem það vantar.