Hornstrandir

Vesturferðir bjóða upp á fjölbreytta þjónustu við Hornstrandafara.

Dagsferðir

Við bjóðum upp á fjórar dagsferðir á Hornstrandir. Þrjár þeirra eru gönguferðir enn ein er heimsókn í þorpið við Hesteyrarfjörð. Í þeirri ferð er farið í land og rölt um eyrina undir leiðsögn, að lokum er komið við í Læknishúsinu þar sem léttar kaffiveitingar eru bornar á borð. Nánari upplýsingar um kaffiferð á Hesteyri hér.

Á þriðjudögum förum við í göngu milli Aðalví­kur og Hesteyrar. Þá er siglt að morgni dags frá Ísafirði að Sæbóli í­ Aðalví­k og gengið um Staðardal og Sléttuheiði yfir á Hesteyri, þaðan sem komið er heim til Ísafjarðar aftur að kvöldi. Nánar um dagsgöngu á Hornströndum.

Á fimmtudögum er siglt alla leið norður í­ Hornví­k. Þar er siglt undir Hælaví­kurbjarg og gengið á Hornbjarg, en þau eru tvö af fuglabjargatrí­óinu vestfirska. Þaðan er komið heim að kvöldi. Dagsferð á Hornbjarg.

Laugardagsgangan á Hornstrandir hefst við eyðiþorpið í Hesteyrarfirði. Þaðan er gengið upp Hesteyrardalinn, niður í Miðvík og endað að Látrum í Aðalvík þar sem báturinn sækir ferðalanga og flytur þá aftur til Ísafjarðar. Laugardagsganga á Hornströndum.

Lengri gönguferðir

Þeim sem vilja kynnast svæðinu betur bjóðum við lengri gönguferðir undir leiðsögn, þar sem gengið er með "allt á bakinu" og gist í tjöldum eða húsum, þar sem það er mögulegt. Hér á vefnum er að finna nokkrar hugmyndir að lengri gönguferðum á Hornströndum.
6 daga ferð um Hornstrandir.
4ra daga ferð um Hornstrandir.

Áætlunarbátar fara daglega á Hornstrandarsvæðið frá Ísafirði og einnig er áætlun frá Bolungarvík. Það þýðir að auðvelt er að sní­ða sér stakk eftir vexti hvað varðar lengd ferðar. Helgarferð eða lengri ferð, þar sem farnar eru dagsgöngur út frá tjaldstæðinu eða svefnpokagistingu í­ Læknishúsinu á Hesteyri geta því­ verið skemmtilegur kostur.
Hesteyri - Bátur og ból.
Grunnaví­k er ekki sí­ður heillandi staður. Þangað er hægt að fara eftir óskum og gista í­ svefnpoka í­ Sútarabúðum.

Annað

Við á Vesturferðum erum vön að búa til fjölbreyttar gönguferðir og pakka, sniðna að óskum ferðamanna. Þar getum við blandað saman hinu og þessu og gert frábæran kokteil.
Áætlanir báta má sjá hér á vefnum fyrir þrjú fyrirtæki, en fyrir utan þau eru hér bátar sem siglt geta með smærri hópa og trússað fyrir lí­tið. Endilega verið í sambandi og við gefum hópnum ykkar tilboð í bátaferðir norður á Hornstrandir. Okkur er annt um gestina okkar og því eru allir bátar sem við bjóðum með tilskilinn farþegaleyfi.
Leiðsögumenn: höfum við nokkra á okkar snærum, bæði þessa sögusérvitringa og ungu skátaforingjana, og allt þar á milli. Þeir eiga það þó allir sameiginlegt að hafa brennandi áhuga á útivist og vera þaulvanir göngum á Hornströndum.
Samkomutjaldið tekur uppundir 20 í­ sæti innandyra, það er rammgert og bekkir og borð fylgja með. Tilvalið fyrir hópinn sem samastaður í Hornví­k eða Aðalvík.
Gönguhópaþjónustafyrir einstaklinga, pör eða hópa. Vantar þig aðstoð, ráðgjöf og að bóka ferðina. Gönguhópaþjónustan er til þjónustu reiðubúin.