Kort af Vestfjörðum

Ný útivistarkort
Ferðamálasamtök Vestfjarða hafa staðið fyrir því að gefa út göngukort fyrir allan Vestfjarðakjálkann. Göngukortin eru mjög vönduð og eru kærkomin fyrir þá ferðalanga sem hafa gaman að útivist. Göngukortin eru skýr og auðveld í notkun. Á þeim er að finna um 300 gönguleiðir með gps- punktum. Kortin nýtast bæði göngufólki, reiðfólki og hjólafólki, svo fáein not séu nefnd. Hægt er að kaupa kortið á öllum betri ferðamannastöðum á Vestfjörðum, og í Strandabúðinni á netinu.
Kortin eru til sölu í Upplýsingamiðstöðinni á Ísafirði, sem staðsett er í sama húsnæði og Vesturferðir.

Gömlu göngukortin
Vesturferðir bjóða ferðamönnum nú upp á að sækja göngukort af Ísafirði og nágrenni og vestfirsku ölpunum. Lýsingar til útprentunar og kort til útprentunar eru öllum aðgengileg, en hægt er að kaupa bæði kortin og fleiri til í­ handhægu broti á upplýsingamiðstöðvum og betri gististöðum.

Göngukort af Ísafirði og nágrenni.
Göngukort af vestfirsku ölpunum.
Gamlar samgönguleiðir frá Suðureyri.

Landakort
Landmælingar Íslands hafa gefið út góð kort fyrir ferðalanga um Vestfirði og Hornstrandir. Þau eru til sölu í bókabúðum og víða.

Norðurland - Vestfirðir Aðalkort
Kortið er hluti af nýrri útgáfu Landmælinga Íslands þar sem landinu er skipt í­ 3 hluta. Það er í­ sama mælikvarða og gömlu aðalkortin voru (1:250.000), þegar landinu var skipt í­ 9 hluta. Kortin í­ þessum flokki eru unnin með stafrænni tækni sem gefur möguleika á sí­felldri endurnýjun. Kortið er með nýjustu upplýsingum um vegi landsins, vegalengdir og veganúmer, auk mikilvægra upplýsinga um ferðaþjónustu, svo sem um bensí­nafgreiðslur, gististaði, sundlaugar, söfn, friðlýstar minjar, golfvelli, áningarstaði, hringsjár og bátsferðir.

Hornstrandir Sérkort
Landmælingar hafa gefið út mjög gott göngukort yfir Hornstandir og Jökulfirði.
Á því­ er að finna áreiðanlegar hæðarupplýsingar, klettatákn og upplýsingar um gróður, sem fengnar eru frá gervitunglamyndum. Á nýrri útgáfu kortsins voru gönguleiðirnar yfirfarnar í­ samstarfi við Atvinnuþróunarfélag Vestfjarða. Á bakhlið kortsins er prentuð skrá yfir þau fjölmörgu örnefni sem á kortinu eru og var sú vinna unnin í­ samráði við Örnefnastofnun. Kortið er í­ mælikvarðanum 1:100.000.
Kortið er besta og í­ raun eina opinbera kortið yfir gönguleiðir í­ friðlandinu.

Litla vefútgáfu af korti má finna á vef Umhverfisstofnunnar hér.

Mjög góða vefútgáfu af korti má sjá á heimasí­ðu Óvissuferða hér.