Þetta eru Vesturferðir

Vesturferðir, sem settar voru á stofn 1993, hefur fest sig í­ sessi sem öflugasti ferðaskipuleggjandi og ferðaskrifstofa Vestfjarða. Í ferðum okkar kynnum við hina stórbrotnu Vestfirði, bæði til Íslendinga og erlendra ferðamanna. Starfsfólk Vesturferða gefur þér allar nánari upplýsingar ef þú, fjölskyldan eða vinahópurinn eruð að skipuleggja ferð á Vestfirði.

Sala á eigin ferðum

Vesturferðir hafa alla tí­ð lagt mikla áherslu á þróun eigin ferða. Nýjar ferðir eru í­ boði á hverju ári. Þekktastar eru ferðir okkar í­ Vigur, Hesteyri, gönguferð frá Aðalví­k til Hesteyrar og aðrar Hornstrandaferðir, en Vesturferðir bjóða nú upp á ferðir út um allan Vestfjarðakjálkann.

Sala farmiða í­ báta

Vesturferðir sjá um sölu farmiða í áætlanaferðir Sjóferða H&K sem sigla frá Ísafirði, Freydísar sem siglir frá Norðurfirði og Bjarnarness sem sigla frá Bolungarvík. Öll þessi bátafélög sigla í Jökulfirði og/eða Hornstrandir. Áætlanir báta má sjá hér á síðunni, en einnig er hægt að leigja báta til flutnings, sjóstangaveiði eða hvers sem er.

Skipulagning ferða fyrir farþega skemmtiskipa

Skemmtiskipum sem stoppa við á Vestfjörðum fjölgar jafnt og þétt og hafa Vesturferðir alltaf séð um skipulagningu og þróun ferða fyrir farþega skipanna. Vinsælustu ferðirnar eru ferðir í­ Vigur og rútuferðir í­ nærliggjandi firði og ví­kur, en einnig er boðið upp á kajakróður og gönguferðir svo fátt eitt sé nefnt.

Ráðstefnur og fundir

Ísafjörður og Vestfirðir hafa margt að bjóða fyrir þá sem þurfa að halda fund eða ráðstefnu. Á Ísafirði er hótel sem býður fjölbreytta þjónustu og góða aðstöðu til funda. Ísafjörður er í­ góðum tengslum við höfuðborgarsvæðið með tveimur flugferðum á dag. Vegurinn um Djúp er opinn allt árið. Fjölbreytt afþreying og skemmtun er í­ boði fyrir ráðstefnugesti til að slaka á eftir amstur dagsins. Hótel Ísafjörður og Vesturferðir bjóða þeim sem halda þurfa fund eða ráðstefnu aðstoð við skipulagningu dagskrár, skráningu og bókanir gesta, útvegun dægradvalar, auk þess að annast akstur gesta til og frá flugvelli eftir þörfum, gistingu og veitingar.

Aðstoð við sérhópa

Eldri borgurum, skólahópum, gönguhópum eða vinahópum finnst oft best að láta Vesturferðir sjá um að skipuleggja rútuferðina um Vestfirði, gönguferðina á Hornstrandir eða bara rólegheitahelgi á Ísafirði.

Upplýsingamiðlun

Vesturferðir önnuðust lengi rekstur upplýsingamiðstöðvar á Ísafirði. Nú er Upplýsingamiðstöðin rekin sem sjálfstæð eining undir sama þaki. Áfram er samvinna mikil milli aðilanna tveggja. Netfang upplýsingamiðstöðvarinnar: info@vestfirdir.is

---